नेपाल प्रिमियर लिग (एनपीएल)को तेस्रो संस्करणअन्तर्गत बुधबार पोखरा एभेन्जर्स र सुदूरपश्चिम रोयल्सबिच प्रतिस्पर्धा हुँदैछ ।

कीर्तिपुरस्थित त्रिवि अन्तर्राष्ट्रिय क्रिकेट मैदानमा हुने यो खेल साँझ ५ बजे सुरु हुनेछ । प्रतियोगिताका अघिल्ला दुई संस्करणमा सुदूरपश्चिम रोयल्ससँगका दुवै खेल गुमाएको पोखरा यसपटक विगतको इतिहास बदल्ने लक्ष्यसहित मैदानमा उत्रिनेछ । अर्कोतर्फ लगातार दुई संस्करणको उपविजेता सुदूरपश्चिम भने पोखराविरुद्धको आफ्नो अपराजित यात्रालाई निरन्तरता दिने योजनमा रहेको छ ।