डोटीको प्रसिद्ध धार्मिकस्थल बडीकेदार धाममा आगामी मंसिर ५, ६ र ७ गते आयोजना हुने धार्मिक मेला ९जाँत० मा सहभागी हुन भारतीय श्रद्धालुलाई निमन्त्रणा गरिएको छ।

भारतीय धार्मिक पर्यटकको सहभागिता बढाउने उद्देश्यले बडीकेदार पर्यटन विकास तथा व्यवस्थापन समितिले भारतको उत्तर प्रदेशस्थित लखिमपुर खिरी जिल्लाको पलियामा पत्रकार सम्मेलन गरेको हो।

पत्रकार सम्मेलनमा समितिका अध्यक्ष उपेन्द्र बम र कार्यकारी निर्देशक गणेश जोशीले बडीकेदार धाम नेपाल र भारतका श्रद्धालुको साझा आस्थाको केन्द्र रहेको उल्लेख गर्दै धामको धार्मिक तथा ऐतिहासिक महत्वबारे जानकारी गराएका थिए।

यस वर्षको मेलामा भारतीय श्रद्धालुको सहभागिता बढाउन भारतीय सञ्चारमाध्यम र धार्मिक अगुवामार्फत प्रचारप्रसार तथा निमन्त्रणालाई प्राथमिकता दिइएको समितिले जनाएको छ।