कैलालीको लम्कीस्थित रेडियो रेड स्टार एफएममा तोडफोड हुनुका साथै प्रबन्ध निर्देशक बसन्त जैशीमाथि कुटपिट भएको छ।

आइतबार साँझ स्थानीय ९ जनाको समूहले एफएममा प्रवेश गरि तोडफोड गर्नुका साथै प्रबन्ध निर्देशक जैशीसहित २ जनालाई कुटपिट समेत गरेको जनाइएको छ ।

नेपाल पत्रकार महासंघ कैलालीका सदस्य तथा लम्कीकै स्थानीय भुपेन्द्र बिकका अनुसार लम्की चुहा नगरपालिका १ का टेकराज कठायतसहित ९ जनाको समूहले संघातिक हमला गरेको हो।

बाहिर आउनुपर्ने भन्दै एक्कासी सो समूहले एफएम तथा प्रबन्ध निर्देशक जैशी र समाचार प्रमुख मदन शाहीलाई कुटपिट गरेको जनाइएको छ ।