धनगढी उपमाहा नगरपालिका( ७ भान्चोकमा नवज्योति कृषि सहकारी संस्था लिमिटेडको १२औं वार्षिक साधारण सभा सम्पन्न भएको छ ।

नवज्योति कृषि सहकारी संस्था लिमिटेडको संचालक समितिका अध्यक्ष सिताराम रानाको सभापतित्वमा भएको कार्यक्रमका प्रमुख अतिथि माननिय प्रदेश सभा सदस्य टेक बहादुर रैका रहेका थिए । कार्यक्रमका प्रमुख अतिथि रैकाले सहकारी संस्थाहरुले स्थानीय कृषि पेशामा आवद्ध कृषकहरुका लागि लगानीमा जोड दिनुपर्ने बताउँदै यसका लागि नवज्योति कृषि सहकारी संस्थाको योगदान महत्वपूर्ण रहेकोमा प्रसंशा गरेका छन् ।

नवज्योति कृषि सहकारी संस्था लिमिटेडले किसानलाई कोरोना जस्तो महामारीको समयमा पनि मल उपलब्ध गराएकोले आफुलाइ गर्व महसुस गराएको कार्यक्रमका विशिष्ट अतिथि प्यारेलाल रानाले बताउनुभो । उहाँले सहकारीले संस्थाको पहुच बढाउदै लैजानु पर्छ , हामी नवज्योति कृषि सहकारी संस्था लिमिटेड प्रति अभारी रहेको बताउनु भयो ।

कार्यक्रममा छोटो समयमा नवज्योति कृषि सहकारीले ठूलो फड्को मारेको खुशी ब्यक्त गर्दै कार्यक्रमका सभापति तथा अध्यक्ष सिताराम रानाले सम्पूर्ण शेयर सदस्यलाई धन्यवाद दिनुभयो । शेयर सदस्यहरुलाई सेवा दिन आप्mनो टिम तत्पर रहेको प्रतिबद्धता जनाउनु भयो ।

उक्त अवसरमा संस्थाका लेखा संयोजन भिम पडालले आर्थिक वर्ष २०७६र०७७ को १ करोड १३ लाख २ हजार ५९७ रुपैयाँ बराबरको आय व्यय विवरण सभामा प्रस्तुत गरेका थिए । ५७४ शेयर सदस्य रहेको संस्थाको आज सम्पन्न साधारण सभाबाट पुनः सिताराम रानाको अध्यक्षतामा ९ सदस्यीय संचालक समितिको निर्विरोध चयन गरेको छ ।