१४ श्रावण २०८३, बिहीबार
बि प्लस खबर
नेपाल रानाथारु समाजद्वारा आयोजित दिपावलीको शुभकामना आदानप्रदान कार्यक्रममा रानाथारु भाषाको उपन्यास ‘फगुनी’ को विमोचन गरिएको छ ।
पदम रानाको पहिलो कृती फगुनीको विमोचन प्रमुख अतिथि प्रतिनिधी सभा सदस्य माननिय नारदमुनि रानाद्घारा गरिएको थियो । कार्यक्रममा माननिय रानाले उपन्यासे रानाथारु समुदायको कला, संस्कृति, भाषा र समग्र रानाजाती समुदायको अस्थित्व बचाउनका साथै पहिचान दिन सहयोग पुर्याउने बताउनु भयो ।
कार्यक्रमका विशिष्ट अतिथि सुदूरपश्चिम प्रदेशसभा सदस्य माननिय श्यामलाल राना उपन्यासको समिक्षा गर्दै ,यस उपन्यासले रानाथरु समाजको वास्तविक सामाजिक परिवेसको चित्रण गर्छ बताउनु भयो ।
कार्यक्रममा मन्तब्य दिदै कृष्णपुर नगरपालीकाका उप प्रमुख रमिता बडायक फगुनी उपन्यासले रानाथारुका ठेट शब्दहरु संकलन गरेको र यसले भाषा संरक्षणमा ठुलो योगदान पुर्याउने बताउनु भयो ।
सोही कार्यक्रममा आँगनबारी मिडिया प्रा. ली. द्वारा प्रकाशित अर्धवार्षिक पत्रिका सबेरोको पनि बिमोचन भएको थियो । पत्रिकाका प्रधान सम्पादक नन्दलाल राना रहेका छन । सबेरोले रानाथारु संस्कृति संरक्षणमा प्रतिबद्ध रहेको सम्पादक नन्दलाल रानाले बताउनु भयो ।
कार्यक्रममा स्थानिय जन प्रतिनीधि, संघ संस्थाका प्रतिनीधि, बुद्धिजीवि लगायत साहित्य पे्रमी गरी करिब पचास जना उपस्थित थिए ।
