आज बिहान ९ः४५ बजे तिर कृष्णपुर २ वाणी, घरबाट महाकाली मा. वि. शिक्षण गराउन आइरहेका शिक्षक दिपेन्द्र बलमे कालकगौडी पुल नजिक १८४० नगद सहित १ लाख ५० हजारको चेक , मोटर साईकलको ब्लू बुक, सबारी चालक परिचय पत्र लगायत विभिन्न आवश्यक कागजातहरु भेटाएका थिए । फेला परेका सम्पूर्ण सामग्री हस्तान्तरण गरि सकेको शिक्षक बलमे बताउनु भयो ।

फेला परेका नगद र कागजात बेलौरी नगरपालिका ६ हत्तिबोझामा बस्ने राजेन्द्र भट्टको रहेको थियो । भट्ट कालिका स्वास्थ्य चौकी पुनर्वासमा कार्यरत आ.हे. ब रहेको बताइएको छ ।