एक नेपालीकी भारतीय बनमे गोली मारके हत्या करोगओ हए । कञ्चनपुरकी पुनर्वास नगरपालिका ५ उदरी के अन्ताजी ३६ वर्षीय शिवलाल रानाकी भारतीय दुदूवा नेशनल पार्क संगए जुडोभओ मजुलीकी बनमे गोली मारके हत्या भओ प्रहरी जनाइ हए । पुनर्वास नगरपालिका ७ मे रहो १८३ नम्बर पिलरसे करिब ७ सय मिटर भितर भारतमे पडनबालो मझेरी जङ्गलमे विनको लहाश मिलि रहए ।
हत्याकी खबर सुनके नेपालकी तर्फसे स्थानीय सहित इलाका प्रहरी कार्यालय त्रिभुवन बस्तीके प्रहरी निरीक्षक, कैलाश सिंह बिष्ट और भारतीय सुरक्षाकर्मी घटना स्थल पुगे रहए । घटनाकी प्रकृति देखत पेती गोली मारके हत्या भओ बताइ हएँ ।

मृतक रानाकी छातीमे भार हएँ तभी गोली मारके हत्या भओ आशंका दुने घैनके सुरक्षाकर्मी करी हएँ । पर पुष्टि अभे ना भओ हए ।
मृतकके परिवार घटना अनुसन्धान करनकी माग करी हएँ । हत्यारा पत्ता ना चलेसे कडा संघर्षमे उत्रगें चेतावनी समेत दैहए ।