२९ भाद्र २०८३, सोमबार
बि प्लस खबर
अगहन ४ गते मृत अवस्थामे फेला पडे भए कञ्चनपुरकी पुनर्वास –५ के ३५ वर्षीय शिवलाल रानाकी बन्दुक गोलीसे मौत भइ पताचलो प्रहरी जनाइ हए ।
इलाका प्रहरी कार्यालय त्रिभुवनवस्तीके प्रमुख प्रहरी निरीक्षक कैलाश बिष्ट, ‘रानाके सिसाकी गोली मारके हत्या करोगओ हए कहिके भारतीय प्रहरी बताई कहिके जानकारी दैहए । पर हत्या कौन और काहे करी कहानबाली बात अभौ नाखुलो हए । पर घटनाकी थप अनुसन्धान जारी हए भारतीय प्रहरी कही बे बताई हएँ ।
बे कहीँ, पीडित पक्षबालेकी शङ्का करे अनुसार भारतीय अधिकारी सरकारी हतियारको प्रयोग भओ नाकहिमिल हए । काहेकी लहाश परीक्षण रिर्पोटकी आधारमे रानाकी हत्या करन सरकारी हतियारकी प्रयोग नभओ हए, प्रहरी औ अाैरे सुरक्षा निकाय सिसाकी गोली प्रयोग ना करत हएँ बिनकी कहाइ हए ।
राना नेपाल–भारत सीमासे करिब ३ किलोमिटर दख्खिन भारतकी दुधुवा राष्ट्रिय निकुञ्ज क्षेत्रमे हत्या भओ अवस्थामे मृत फेला पडे रहएँ ।
