सुरज राना/ धनगढी :

रानाथारु समाजकि नयाँ मोडेल म्यारी राना अभए भर्खरए सुदुरपश्चिमसे बाहेर पोखरामे सुटिङ्ग कर्के आई हए । मोडेल म्यारी पोखरामे रानाथारु नयाँ गित कि नैन से नैन मिलो मिलो तन मन कहनिया गित कि ४ दिनमे सुटिङ्ग निभटो कहिके बतात हए ।

मोडेल म्यारीकि सुरुकि म्युजिक भिडियो परदेशि हए कहिके बतात हए । परदेशि गितकि सुटिङ्ग करत पेति घरबाले साथ न देत रहए पर जब भिडियो सर्बजनिक भओ , तबसे घरबाले फिर कलाकारिता क्षेत्रमे साथ देन लग्गए कहिके मोडेल म्यारी बतात हए ।

परदेशि भिडियोकि सुटिङ्ग करत पेति मोडेल म्यारी मायामे कोइसे सम्बन्धमे न रहए पर अब कोइसे मायाप्रेमकि सम्बन्धमे हए और अब जल्दी मगनि फिर होबैगी कहिके मोडेल म्यारी राना बतात हए ।

बाकी ज लिंकमे: https://youtu.be/Pbc0b2rdTWo