हरेक वर्ष मंसिर २२ गतेदेखि पुस २ गतेसम्म महोत्सव आयोजना गर्दै आएको कैलाली उद्योग वाणिज्य संघले चाँडै मिति तोकिने जनाएको हो । कोरोना कहरले प्रभावित भएको सुदूरपश्चिम महोत्सवको मिति चाँडै तोकिने बताइएको छ । आइतबार धनगढीमा आयोजित पत्रकार सम्मेलनमा संघका अध्यक्ष पुुष्पराज कुँवरले सरकारले मेला–महोत्सव सञ्चालनको अनुमति नदिएकाले पूर्व निर्धारित मिति स्थगित गरिएको बताए ।  स्थानीय प्रशासन सँगको समन्वयमा महोत्सव सञ्चालनको मिति सार्वजनिक गरिने उनको भनाइ छ । 

कैलाली उद्योग वाणिज्य संघको आयोजनामा आर्थिक आन्दोलनको रुपमा २०६३ सालदेखि प्रत्येक वर्ष सुदूरपश्चिम महोत्सव सञ्चालन हुँदै आएको थियो ।