२८ कार्तिक २०८३, शनिबार
बि प्लस खबर
शैक्षिकशत्रको बिचमा आएर शिक्षकलाई सरुवा गरेपछि धनगढीको त्रिनगर माध्यामिक विद्यालयका विद्यार्थीहरु आन्दोलनमा उत्रिएका छन । विद्यालयमा शिक्षक आवश्यक परेको बेला भएका शिक्षकलाई पनि सरुवा गरेपछि विद्यार्थीहरु आन्दोलनमा उत्रिएका हुन ।
दुई हजार तीन सय ८० विद्यार्थी अध्ययनरत त्रिनगरमा विज्ञान विषयका शिक्षक नेत्र कडायतको सरुवा भएको छ । विद्यार्थी संख्या अनुसार शिक्षकको संख्या कम भएको वेला अझ विज्ञान विषयका शिक्षकको सरुवा भएपछि आक्रोसित बनेका विद्यार्थीहरुले जिल्ला प्रसाशन कार्यालय हुदै धनगढी उपमाहानगरपालिका अगाडी आन्दोलन गरिरहेका छन ।
विद्यालयका तर्फबाट शिक्षक कडायतलाई सरुवा नगरेर विज्ञान विषयकै अर्का शिक्षकलाई सरुवा गर्न लिखित निवेदन पेस गरेपनि नगरपालिकाले नमानेको विद्यार्थीहरुले गुनासो गरेका छन । नगरपालिकाले शिक्षक कडायत सुरुवा खारेज नगरे सम्म विद्यालय बन्द गेरर आफुहरु आन्दोलन गरिरहने चेतावनि दिएका छन । साथै त्रिनगरमा थप २३ जना शिक्षक थपेर दिनु पर्ने माग पनि राखेका छन ।
विद्यालयका प्रधानाध्यापक भुपाल खड्काले शिक्षक मिलानको क्रममा उपमहानगरपालिकाबाट दरबन्दी थप्नुपर्नेमा कटौति भएपछि विरोध भएको बताए। यस विद्यालयमा शिक्षकको दरबन्दी थप्नुपर्ने देखिएको छ तर भएकै दरबन्दी पनि कटौति भएपछि विरोध भएको हो, उनले भने।
उनका अनुसार दरबन्दी कटौति गरेर शिक्षक कडायतको सरुवा भएपछि विद्यार्थी आन्दोलित भएका हुन। त्रिनगरमा अहिले ९ जना शिक्षक कार्यरत रहेकामा एक जनाको सरुवा भएपछि अब ८ जना मात्र शिक्षक कार्यरत छन्।
