कैलालीको धनगढी उप-महानगरपालिका वडा नं ७ स्थित पटेलामा माघ महोत्सव २०८० थारु सांस्कृतिक संग्रहालय व्यवस्थापन समितीको आयोजनामा धनगढी-७ का वडा अध्यक्ष मोती रानाथारुको अध्यक्षतामा महोत्सव उद्घाटन भएको छ ।

कार्यक्रममा प्रमुख अतिथी उद्योग,पर्यटन,वन तथा वातावरण मन्त्रालयका मन्त्री मा. रमेश सिंह धामी , विशिष्ट अतिथी धनगढी-१८ का वडा अध्यक्ष भुवन रिजाल , धनगढी-७ का निवर्तमान अध्यक्ष सिताराम राना , नवज्योति कृषि सहकारी संस्था लि. का लेखा संयोजक युवा नेता भिम पडाल , वडा सदस्य , निवर्तमान वडा सदस्य, विभिन्न संघ संस्थाका प्रतिनिधि , थारु महालोक गायक मनिराम चौधरी , गायिका आरजु चौधरी ,गायक राजु चौधरी , समाजसेवी ,बुद्धिजीवी , तथा स्थानीयको उपस्थितिमा कार्यक्रम उद्घाटन भएको छ ।

हामीले देवरिया पटेलाको बाटो बनाउनको लागि कदम चालिरहेका छौ । हामीलाई विकास गर्नकै लागि तपाईले यस स्थानमा पठाउनु भएको छ । यस संग्रहालयलाई पनि के कस्तो विकास गर्नुपर्छ भनेर व्यवस्थापन समितीसंग बस्छौ भनेर थारु समुदायको विकास बारे प्रमुख अतिथी मा. मन्त्री रमेश सिंह धामीले मन्तव्य व्यक्त गरेका हुन ।

कार्यक्रममा स्वागत मन्तव्य धनगढी-७ का वडा सदस्य विके राम खाती , धनगढी-७ का निवर्तमान वडा अध्यक्ष सिताराम राना, वडा सदस्य अर्जुन चौधरी , नवज्योति सहकारी संस्था लि.का लेखा संयोजक भिम पडाल, धनगढी-१८ का वडा अध्यक्ष भुवन रिजाल , धनगढी-७ का वडा अध्यक्ष मोती रानाथारुले शुभकामना मन्तव्य व्यक्त गरेका हुन ।

कार्यक्रममा थारु महालोक गायक मनिराम चौधरी , गायिका आरजु चौधरी ,गायक राजु चौधरी , स्थानीय लोक प्रस्तुति र रानाथारुको होरी नाचको समेत प्रस्तुति रहेको थियो ।
सो महोत्सव माघ १ गते समापन हुने भनेर आयोजकले बताएका हुन ।