३० भाद्र २०८३, मंगलवार
बि प्लस खबर
कञ्चनपुर, १२ पुस । कञ्चनपुरको दोधारा चाँदनी नगरपालिका–१ चाँदनीमा रहेको महाकाली आदर्श माध्यमिक विद्यालयमा शनिवार आगजनी हुँदा रु चार लाख बढीको क्षति भएको छ ।
आगजनीबाट विद्यालय भवन र भण्डारण गृहमा राखिएका बेञ्च, डेस्क, कुर्सीलगायत सामग्री जलेर नोक्सानी भएको जिल्ला प्रहरी कार्यालय कञ्चनपुरका प्रहरी नायब उपरीक्षक अमरबहादुर थापा क्षेत्रीले जानकारी दिए।
विद्यालयमा आगजनी भएपछि स्थानीय बासिन्दा, जनप्रतिनिधि र प्रहरीको सहयोगमा दमकलको प्रयोग गरी आगलागी नियन्त्रण गरिएको उनले बताए ।
विद्यालयमा आगलागीबारे अनुसन्धानको कार्य भैरहेको र अहिलेसम्म आगलागी हुनुको कारण खुल्न नसकेको प्रहरी नायब उपरीक्षक थापा क्षेत्रीले बताए ।
