नेपाल रानाथारु समाज केन्द्रीय समिती रानाथारु सूचीकरण दिवस मनैया हए । रानाथारु समुदायको पाचौ सुचिकरण दिवस शुभकामना आदानप्रदान औ खिलाडी सम्मान कर्के मनैया नेपाल रानाथारु समाज के अध्यक्ष कमल सिं राना बताइ हए ।

जाके सङए कार्यक्रममे सहभागी होन ताही सबए रानाथारु दिदि बहिनिया ,ददा भैया , सबए आजिबन सदस्य, जिल्ला समिति , गाउ समिति, साधारण सदस्य, बुद्दीजिबि, पत्रकार सबए रानाथारु आम समुदायके अनुरोध करि हए ।

कार्यक्रम माघ २० गते १२ बजे , योग केन्द्र , ध उ म न पा वार्ड न ८ को कार्यालय ढिगै हुबैया हए । रानाथारु २०७६ साल माघ २० गते सुचिकृत भओ रहए । बहे खुशीमे हरेक साल माघ २० गते दिया पजारन शुभकामना आदन प्रदान लगायत तमान कार्यक्रम कर्के सूचीकरण दिवस मनाओ जात हए ।

उतए नेपाल रानाथारु युवा समाज फिर काठमाडौंमे सूचीकरण दिवस मनान उपस्थित होन सबए के अनुरोध करि हए । काठमाडौं मे रहे भए सबए रानाथारुके दीप प्रज्वलन कार्यक्रम ताही माइती घर मन्डल मे उपस्थित होन विग्याप्ती जारी करि हए ।