३१ भाद्र २०८३, बुधबार
बि प्लस खबर
राना कला एवं संस्किृति संरक्षण समाजले धनगढीको वडा नं. ११ मा आयोजना गरेको होमस्टे मेला सम्पन्न भएको छ । रानाथारु संस्कृति बचाउन तथा देश विदेशमा फैलाउन सञ्चालन भएको मेलाको चौथो संस्करण शनिबार सम्पन्न भएको हो । हमर संस्कृति हमरपहिचान, घर घरसे लागएँ जाके बचान भन्ने मूलनाराका साथ उक्त मेला आयोजना गरिएको थियो ।
मेला समापन समाहरोमा प्रमुख अतिथि तथा धनगढी यपमहानगरपालिका प्रमुख निर्प बहादुर वडले प्रचार–प्रसारको कमीले गर्दा पनि रानाथारु संस्कृति र संस्कार हराउदै गैरहेको बताउनु भयो । संस्कृति नै पहिचान भएकाले यसको संरक्षण निरन्तर महानगरपालिका लागिपरेको जिकिर गर्नु भयो । जन चेतना बिना संस्कृित संरक्षण सम्भव नरहेकाले शिक्षामा जाेड दिनु पर्ने उहाँले बताउनु भयाे ।
मेलामा कैलाली कञ्चनपुरमा बसोवास गर्ने रानाथारु होरी, नाच झिँझि,ढोलकी गित, चौधरी थारुको सखिया नाच तथा सुदूर पश्चिममा प्रचलित डेउडा पनि प्रदर्शन भएका थिए । मेलामा ३ हजार भन्दा बढीले अवलोकन गरेको आयोजकले जनाएको छ ।
रानाथारुको सबै भन्दा ठूलो चाडपर्व होरी (होली)को बारेमा सबैलाई जानकारी गराउन मेला फागुनमा लगाउने गरेको राना कला एवं संस्किृति संरक्षण समाजका अध्यक्ष महाविर रानाले बताउनु भयो । रानाथारु ३८ दिन भन्दा बढी होरी पर्व मनाउछन् ।
मेलाको संरक्षकमा धनगढी उपमहानगर पालिका वडा नं. ११ रहेको थियो भने मिडिया पाटनर बि. प्लस मिडिया प्रा. लि रहेको थियो । मेलाको समापन समाहरोमा धनगढी उपमहानगर पालिका वडा नं. ११ का अध्यक्ष गंगा राम राना, बुद्धिजिवि,समाजसेवी लगायतको उपस्थिति थियो ।
