९ आश्विन २०८३, शुक्रबार
बि प्लस खबर
संयुक्त राना जनचेतना परिवारकी आयोजनामे क्वाँर २० गतेसे २४ गतेसम्म धनगढी उपमहानगरपालिका १० जुगेडामा निसर्ग इन्डो नेपाल जुगेडा कप २०८३ भलिबल प्रतियोगिता आयोजना हुइरहो हए ।
भलिबल प्रतियोगीताके रेफ्री संयोजकमे दिपेन्द्र प्रसाद भट्टके जिम्मेवारी दैहएं ।
आयोजक संयुक्त राना जनचेतना परीवारके अध्यक्ष रवि राना शुक्रबार भट्टके औपचारीक सम्झौता पत्र देतए संयोजक की जिम्मेवारी दैहएं । प्रतियोगीताकी खेल सञ्चालन औ प्राविधिक पक्षके व्यवस्थीत बनानके ताहीं भट्टके संयोजककी जिम्मेवारी दएहएं कर्के आयोजक बताइ हएं ।
भट्ट प्रतियोगीतामे रेफ्री व्यवस्थापन,खेल सञ्चालनसे जुडोभव प्राविधिक समन्वय और आवश्यक खेल व्यवस्थापनमे नेतृत्वदायी भूमीका निभएहएं। भट्टकी नेतृत्वसे प्रतियोगीताके मर्यादित और व्यवस्थीत रुपमे सञ्चालन करनके सहयोग पुगहए कर्के आयोजक आसरा करेहएं ।
खेलाडी व्यवसायीकरणके संगए खेल पर्यटनकी विकास और प्रवर्धनके संगए नेपाल/भारतबिचकी मैत्रिपूर्ण सम्बन्धके मजबुत बनान,स्थानिय कला, संस्कृति और खेलकुदसे जोडनकी उद्देश्यसे जा प्रतियोगीता आयोजना करत हए कर्के आयोजक बताइ हएं ।
