१० आश्विन २०८३, शनिबार
बि प्लस खबर
कैलालीकी गौरीगंगा नगरपालिका ०६ बनबेहडीकी एकजनै महिला सामुदायिक वनकी रुखा मैसे गिर्के मरी भै मिली हएं ।
मरी भै महीला स्थानीय पार्वती साउँद हएं ।
ईलाका प्रहरी कार्यालय मालाखेतिके हिसाबसे साउँद कल्ह दुफारके ४ः४५ बजेघेन घाँस काटनके गौरीगंगा–६ मे रहोभव बारवन सामुदायिक वनमे गइरहएं । सँन्झीसम्म फिर घरे नपुगनकी कारणसे घरपरिवारके आदमी ढुंणनके क्रममे बिनके रुखा मैसे गिरोभव अवस्थामे मरी भै पाइरहएं । साउँद आज सबेरे लगभग ९ बजे मिलिहएं ।
घटनाकीबारेमे वडा अध्यक्ष औ इलाका प्रहरी कार्यालय चौमालाके जानकारी दैके पुलिस वरिष्ठ नायव निरीक्षक रमेशबहादुर शाहीकीे कमाण्डमा चार जनै और इलाका प्रहरी कार्यालय मालाखेतीसे पुलिस निरीक्षक लोकेन्द्रसिंह ठगुन्नाकी कमाण्डमे पाँच जनैकी टोली घटनाभव बिच्चामे पुगीरहएं कर्के पुलिस बताइ हएं ।
घटनाकीबारेमे थप औ अनुसन्धान हुइरहो हए ।
जरुरी बात
१.मेहे बर्षन समयमे वनघेना नाजाएसे ठिक रएहए,नत ऐसी घटना आपनके सँगफिर घटसकतहए ।
२. नदिया कुला टिकारे फिर नाजाएसे अच्छो रएहए ।
३. जरुरी कामसे अलावा बाहेर नानिकरन ठिक रएहए ।
