१० आश्विन २०८३, शनिबार
बि प्लस खबर
धनगढीमे लगातार मेहे वर्षनकी कारणसे तमानसे ठाउंमे घरी घरी लाइट जानकी समस्या हुइरही हए ।
मेहेकी कारणसे रुखाकी हाँगासे तार छुइजात हए ,और जमिन गीलि होनकी कारणसे बिजुलीकी पोल गिरनसे लाइटकी समस्या घरी घरी होत हए कर्के नेपाल विद्युत प्राधिकरण धनगढी वितरण केन्द्र बताइ हए ।
धनगढी आसपासके तमान वडामे घरी घरी लाइट जानकी समस्या दिखानो हए । खास कर्के डगर किनारेके रुखाकी हँगा लाइनकी तारमे छुइजानकी /लडजानकी कारणसे लाइट जानकी समस्या होत हए कर्के प्राधिकरण बताइ हए ।
विद्युतकी पोल, तार याफिर और कछु विद्युतिय समस्या दिखानो कहेसे अपनए मर्मत मत करीयो बरु हमके जानकारी दियो कर्के प्राधिकरण कही हएं ।
अगर मेहे बर्षत बेरा लाइटकी खम्बा, तार,ट्रन्सर्फमर के ढिंगै मत जैयो औ भिजिभै तार मत छुइयो,आग्रह करी हएं ।और डगरमे लाइटके खम्बा गिरन अवस्थामे देखाव याफिर तार गिरी देखव तव विद्युत प्राधिकरणके तुरन्त खबर करीयो कर्के प्राधिकरण अनुरोध करीहए ।
