२८ कार्तिक २०८३, शनिबार
बि प्लस खबर
कैलालीकी गोदावरी नागरपलिका ८ मे रहीभै पुलमे इभि हाइसकी ठक्करसे तिन मनैके चोट लग्गैहए ।
आइतबारके सबेरे पूर्व पश्चिम राजमार्गमे पणन बाली खुटिया पूलमे बा.२१च. ५५५९ नम्बरकी स्कारपियोके बहे डगरमे पच्छुसे आन बाली सु.प.प्र ०१–००१ ज १७०४ नम्बरकी इभि हाइस ठक्कर मारी रहए ।
स्कारपियोमे बैठीभै गौरीगंगा नगरपालिका ०१ चौमालाकी २२ वर्षकी दमयन्ती राना औ स्कारपियो चलानबाले विकास चौधरीकी ९ बर्षकी लौडिया युनिसा चौधरी और ६ वर्षकी आयना चौधरी के चोट लगिहए ।
चोट लगीभै तिनौके इलाजके ताही धनगढीकी निसर्ग अस्पतालमे लैगएहएं कर्के इलाका प्रहरी कार्यलय मालाखेती बताइ हए ।
स्कारपियो चलानबाले विकास चौधरी और इभि चलान बाले गौरीगंगा नगपालिका ५ के २८ वर्षके मनोहरसिंहके पुलिस पकडलैहए । घटनाके बारेमे थप खोजतलास होनडटो हए ।
