कञ्चनपुरको बेलौरी नगरपालिकाले लगातार अत्यधिक बर्षापछि बाढी आउनसक्ने सम्भावनालाई मध्यनजर गर्दै स्थानिय आपतकालिन कार्यसञ्चालन केन्द्रलाई २४ घण्टा सञ्चालनमा ल्याएको छ ।

नेपाल मौसम विज्ञान विभागले यस क्षेत्रमा अत्यधिक बर्षा हुनुका साथै बाढी आउने सम्भावना रहेको पूर्वानुमान सुचना जारीपछि विपद् जोखिम न्युनिकरणका लागि चौबिसै घण्टा सञ्चालनमा राखिएको नगरपालिकाले जानकारी दिएको छ ।

जोखिमपूर्ण क्षेत्रका बासीहरुलाई विशेष सतर्कता अपनाउनुका साथै,नदि तथा खोला किनारमा नजान जलमग्नताको सम्भावित जोखिमबाट सुरक्षित रहन नगपालिकाले नगरवासीहरुलाई आग्रह गरेको छ । साथै विभिन्न सम्बन्धित निकायहरुबाट पूर्व सुचना लिन र निर्देशनको पालना गर्न समेत आग्रह गरेको छ ।