२८ कार्तिक २०८३, शनिबार
बि प्लस खबर
चाडपर्व नजिकिएसँगै काठमाडौं–धनगढी–काठमाडौं हवाइ भाडा चर्किएको छ। सामान्य अवस्थामा करिब १० हजार ८ सय रुपैयाँमा पाइने टिकट अहिले २२ हजार रुपैयाँसम्म पुगेको छ ।
नागरिक उड्डयन प्राधिकरणले काठमाडौं–धनगढीको अधिकतम भाडा २१ हजार ६ सय रुपैयाँ निर्धारण गरेको भए पनि एयरलाइन्सहरूले २२ हजार १८० रुपैयाँसम्म भाडा तोकेको बताइएको छ । एयरलाइन्स कम्पनीहरूले चाडपर्वका बेला धनगढीतर्फ यात्रुको चाप बढ्ने र फर्किने यात्रु कम हुने भएकाले भाडा बढ्ने गरेको दाबी गरेका छन् ।
धनगढी विमानस्थलका प्रमुख महेन्द्रबहादुर सिंहले भने प्राधिकरणले तोकेको अधिकतम भाडाभन्दा बढी लिन नपाइने बताएका छन्।
काठमाडौं–धनगढीको हवाइ भाडा सामान्य अवस्थामै महँगो रहेको विषय पटकपटक संसदमा उठ्दै आए पनि समस्या समाधान हुन सकेको छैन ।
