चैतन्य स्पोट्र्स एकेडेमी, धनगढीको आयोजनामा चैतन्य पाठशाला अन्तरविद्यालय शिक्षक फुटसल प्रतियोगिता–२०८३ हुने भएको छ । सोमबार पत्रकार सम्मेलन मार्फत असोज २४ र २५ गते चैतन्य पाठशालाको फुटसल कोर्टमा प्रतियोगिता सञ्चालन हुने जानकारी दिइएको हो ।
प्रतियोगिताको विजेताले ५० हजार रुपैयाँसहित ट्रफी, स्वर्ण पदक र प्रमाणपत्र तथा उपविजेताले २५ हजार रुपैयाँसहित ट्रफी, रजत पदक र प्रमाणपत्र प्राप्त गर्नेछन् । उत्कृष्ट खेलाडी र उत्कृष्ट गोलरक्षकलाई जनही ३ हजार रुपैयाँ सहित ट्रफी र प्रमाणपत्र प्रदान गरिनेछ ।

प्रतियोगितामा सहभागी टोलीले ७ हजार रुपैयाँ दर्ता शुल्क बुझाउनु पर्नेछ भने टोली दर्ताको अन्तिम मिति असोज २१ गते तोकिएको छ ।
आयोजकले प्रतियोगिताले शिक्षकबीच मित्रता, सहकार्य र स्वस्थ प्रतिस्पर्धाको भावना थप मजबुत बनाउने विश्वास व्यक्त गरेको छ ।