खेलकुद मार्फत युवालाई एकताबद्ध गर्दै स्वस्थ र समुन्नत समाज निर्माण गर्ने उद्देश्य सहित कैलालीको धनगढीमा खुला पेनाल्टी सुटआउट कप–२०८३ आयोजना गरिएको छ ।
सनिबार हिमाली टोल युवा क्लबको आयोजनामा सञ्चालन भएको उक्त प्रतियोगिताको उद्धघाटन नेकपा एमालेका कैलाली जिल्ला अध्यक्ष यज्ञराज ढुङ्गानाले गर्नु भएको हो । उद्धघाटन समारोहमा बोल्दै ढुङ्गानाले उक्त प्रतियोगिताले स्थानिय खेलाडीहरुको पहिचान गर्ने संगै आपसी सद्भाव र एकताको भावना विकास गर्ने विश्वास गरिएको बताउनु भयो ।
आयोजकका अनुसार प्रतियोगितामा प्रथम हुनेले ४१ हजार रुपैयाँ, द्वितीय हुनेले २१ हजार रुपैयाँ र तृतीय हुनेले ११ हजार रुपैयाँ पुरस्कार प्राप्त गर्ने छन् ।
खेलकुदमा युवाको सहभागिता अभिवृद्धि गर्दै स्थानीयस्तरमा खेल संस्कृतिको विकास गर्न प्रतियोगिताले योगदान र्पुयाउने अपेक्षा गरिएको छ ।