खेलाडीको व्यवसायीकरण तथा खेल पर्यटन प्रवद्र्धन गर्ने उद्देश्यले आयोजित निसर्ग इन्डो नेपाल जुगेडा कप २०८३ भलिबल प्रतियोगिता सम्पन्न भएको छ ।
प्रतियोगिताको उपाधि भारतको टिम सुडाले हात पारेको छ । टिम सुडाले फाइनलमा नेपालको कोहिनुर स्पालाई सोझो सेटमा पराजित गर्दै उपाधि जितेको हो । उपाधिसँगै सुडाले नगद दुई लाख रुपैयाँ, शिल्ड, मेडल र ट्रफी प्राप्त गरेको छ। उपविजेता कोहिनुर स्पाले एक लाख रुपैयाँ प्राप्त गर्दा सेमिफाइनलमा पुगेका भारतको नैनीताल टिम र सेवा प्रिन्टिङ प्रेसले जनही २) हजार रुपैयाँ प्राप्त गरेका छन्।

समापन समारोहमा निसर्ग अस्पतालका अध्यक्ष तीर्थराज पन्तले अस्पतालले सामाजिक उत्तरदायित्व अन्तर्गत सामाजिक, शैक्षिक, खेलकुद र स्वास्थ्य क्षेत्रमा काम गर्दै आएको बताए । उनले आर्थिक अभावका कारण उपचारबाट वञ्चित हुनुपर्ने अवस्था आए निःशुल्क उपचार गर्ने प्रतिबद्धता व्यक्त गर्दै भलिबललाई राज्यले प्राथमिकतामा राख्नुपर्नेमा जोड दिए ।

समारोहमा आयोजक समितिका पदाधिकारी, जनप्रतिनिधि, विभिन्न सङ्घसंस्थाका प्रतिनिधि, सुदूरपश्चिम खेलकुद परिषद्का पदाधिकारी तथा हजारौँ दर्शकको उपस्थिति रहेको थियो ।