नवरात्रको तेस्रो दिन आज दसैँघर तथा पूजा कोठामा नवदुर्गामध्येकी तेस्रो देवी चन्द्रघण्टाको विधिपूर्वक पूजा–आराधना गरिँदै छ ।

पौराणिक मान्यताअनुसार शिरमा अर्धचन्द्र र घण्टा धारण गर्ने भएकाले देवीको नाम चन्द्रघण्टा रहन गएको हो। मार्कण्डेय पुराणमा पनि यसको उल्लेख छ।

पहेँलो वर्णकी देवी चन्द्रघण्टाले अत्याचारी शक्तिको नाश गर्ने विश्वास गरिन्छ। यस दिन देवीको पूजा–आराधना गर्दै मणिपुर चक्रमा ध्यान गरिन्छ। देवीको आराधनाले शक्ति र साहस प्राप्त हुने धार्मिक विश्वास रहेको छ ।