२८ कार्तिक २०८३, शनिबार
बि प्लस खबर
कैलालीकी गोदावरीमे अटो और मोटरसाइकल एकआपसमे लणनसे ७ मनै घायल हुइगए हएं ।
कैलालीकी गोदावरी नगरपालिका ०४ वनदेबी मन्दीरके ढिँगै अटो और मोटरसाइकल एकदुसरेमे लडनसे ७ मनै घायल भएहएं । बे मैसे ४ आदमीके अवस्था गम्भीर हए औ ३ आदमीकी अवस्था ठिकठिकए हए । अत्तरीयासे गोदावरीघेन जात रहए ०१–००१ ह ८६३३ नम्बरकी अटो औ दुस्रो घेनसे आत रहए सु.प ०१–००१ प ९३ नम्बरकी मोटरसाइकल एकदुस्रेमे ठुकनसे दुर्घटना भवहए ।
कैलालीकी गोदावरी नगरपालिका १ मे बैठन बाले मोटरसाइकल चालक ३६ वर्षिय निरज रावत और पच्छु बैठे गोदावरी नगरपालिका ६ लालपुरके ४६ वर्षिय भरत बुढा घायल भएहएं कर्के पुलिस बताइहएं ।
ऐसी अटो चालक गोदावरी नगरपालिका ०६ लालपुर बैठन बाले ३८ वर्षिय गणेश आलेकी मुड,छाती औ,र शरीरकी तमान भागमे चोट लगीहए । अटोमे बैठे कैलालीकी चुरे गाउँपालिका ५ खानीडाँडामे अपन ससुरार आएभए ३१ वर्षके भिम बहादुर महातरा क्षेत्रीकी मुड और शरीरमे चोट लगीहए । बे दुनएकी अवस्था गम्भीर हए ।
भिम बहादुरकी ३० वर्षिय श्रिमती मेनुका महतरा,बिनकी डेढ वर्षको लौडा रिदम महतरा और कैलालीकी चुरे गाउँपालिका ५ बैठन बाले ४० वर्षके चन्द्रबहादुर रानाके फिर चोट लगीहए । मेनुकाकी मुड,दहिना टाङ्ग और शरिरमे रिदमकी दिबरा आँखी और पेटमे ऐसी चन्द्रबहादुरकी मुड और दहिना हातमे चोट लगी हए ।
बे तिनओ जनैकी अवस्था ठिकठिकए हए । दुर्घटनाकी बारमे सान्झीके ७ बजे इलाका प्रहरी कार्यलय मालाखेती जानकारी दैके पुलिसनके घटना स्थलमे खटाई रहए ।
घायल भए मनैके उपचारके ताहीं धनगढीमे रहीभै निसर्ग अस्पतालमे पठाइहए ।
अटो और मोटरसाइकल इलाका प्रहरी कार्यलय मालाखेतीकी कब्जामे हए कर्के पुलिस बताइहएं ।
