कैलालीको गेटास्थित सहिद दशरथचन्द स्वास्थ्य विज्ञान विश्वविद्यालयमा आगामी माघको अन्तिम सातादेखि चिकित्सा शिक्षाको अध्यापन सुरु हुने भएको छ ।
चिकित्सा शिक्षा आयोगले शैक्षिक सत्र २०८३÷८४ का लागि एमबीबीएसमा ५०, नर्सिङमा २०, बीएस्सी मेडिकल ल्याब टेक्नोलोजीमा १० र बी अप्टोमेट्रीमा १० गरी चार कार्यक्रममा कुल ९० सिट निर्धारण गरेको छ।
विश्वविद्यालयका रजिस्ट्रार डा। भीम चन्दका अनुसार आयोगको शैक्षिक क्यालेन्डरअनुसार माघको अन्तिम सातादेखि कक्षा सञ्चालन हुनेछ । यससँगै सुदूरपश्चिममै चिकित्सक तथा दक्ष स्वास्थ्य जनशक्ति उत्पादन गर्ने बाटो खुलेको छ।
विश्वविद्यालयले यसै वर्षदेखि ३०० शय्याको शिक्षण अस्पताल पूर्ण रूपमा सञ्चालन गर्ने र ५०० शय्याको अस्पताल सञ्चालन प्रक्रिया अघि बढाउने तयारी गरेको छ । साथै, सिटी स्क्यान, एमआरआई र क्याथ ल्याबजस्ता आधुनिक स्वास्थ्य सेवा विस्तार गर्ने योजना रहेको रजिस्ट्रार चन्दले जानकारी दिए।