नेपालीहरुको महान पर्व बडादसैँ आज कोजाग्रत पूर्णिमासँगै समापन हुँदैछ । आश्विन शुक्ल पूर्णिमाका दिन धनधान्य एवं सम्पन्नताकी देवी महालक्ष्मीको पूजाआराधना गरी रातभर जाग्राम बसेर यो पर्व मनाउने परम्परा छ ।

नेपाल पञ्चांग निर्णायक विकास समितिका अनुसार आज अखिल बलिपूर्तिको कार्य पनि सम्पन्न हुनेछ । यससँगै विजयादशमीदेखि सुरु भएको मान्यजनबाट टीका र जमरा लगाई आशीर्वाद लिने क्रम समाप्त हुन्छ । आजै जमरालाई नदी, तलाउ तथा पोखरीमा विसर्जन गर्ने चलन समेत रहेको छ ।