कैलाली जिल्लामा बैशाख १६ गतेदेखि एक हप्ताको लागि निषेधाज्ञा लकडाउन हुने भएको छ । जिल्लामा उच्च रुपमा फैलिरहेको संक्रमण दर र मृत्युदरलाई मध्यनजर गर्दै जिल्ला कोभिड व्यवस्थापन केन्द्र कैलालीले एक हप्तासम्म निषेधाज्ञा जारी गर्ने निर्णय गरेको हो। प्रमुख जिल्ला अधिकारी खगेन्द्र रिजालको अध्यक्षमा मंगलबार बसेको केन्द्रको बैठकले सो निर्णय गरेको हो। प्रमुख जिल्ला अधिकारी रिजालले निषेधाज्ञाको क्रममा अत्यावश्यक सेवा बाहेक सबै सेवा बन्द रहने जानकारी दिए।