कञ्चनपुरको लालझाडी गाउँपालिका वडा नं. १ रहेको नवोदय अधारभुत विद्यालयको आइसोलेशनमा रहेका कोरोनाका बिरामीलाई स्वास्थ्य सामग्री तथा खाद्यन्न सहयोग गरिएको छ ।

आइसोलेशनमा रहेका कोरोनाका बिरामीलाई खाद्यन्न र पानीको समस्या परेको खबर आएपछि UAE मा कार्यरत रहेका कञ्चनपुर लालझाडी ४ जाइँ का भोजराज रानाले पानी तताउने इलोक्ट्रोनिक केटली, मास्क, सेनिटाइजर, थर्मस, केरा, अंगुर, स्याउ लगायतका फलफुल वितरण गरेका छन । त्यसतै १० दिन सम्म प्रत्येक दिन २० लिटर पानी उपलब्ध गराउने भएका छन ।

यसैगरी जय शम्भु अटो सर्भिसका संचालक प्रेम रानाले २० लिटर पानी तथा दुई कार्टुन चाउचाउ वितरण गरेका छन ।

विदेशमा रहेका समाजसेवी तथा सहयोगि भोजराज रानाले बि. प्लस मिडिया मार्फत सबै सामग्रीहरु लालझाडी वडा नं. १ का अध्यक्ष क्षमानन्द रानाको उपस्थितिमा वितरण गरिएको हो ।

आइसोलेशनमा रहेका कोरोनाका बिरामी सहयाेग पाए सँगै खुशी ब्यक्त गरेका छन भने आफुलाई स्थानिय सरकारल कुनै पनि सेवा निदएकाे गुनासाे गरेका छन ।