धनगढी, भदौ ११

कैलालीमा नदि तर्ने क्रममा बगेर एकजना वेपत्ता भएका छन् ।
शुक्रबार बेलुका सात बजेतिर धनगढी उपमहानगरपालिका–३ भागेश्वर टोल पछाडी मोहना नदि तर्ने क्रममा बगेर २८ बर्षीय पुरन राना वेपत्ता भएका हुन् ।
जिल्ला प्रहरी कार्यालय कैलालीका सहायक प्रवक्ता प्रहरी निरीक्षक लोकेन्द्रगुरुका अनुसार कञ्चनपुरमा काम गर्न गएका उनी धनगढीस्थित आफ्नो घर फर्कने क्रममा बगेका हुन् ।
वेपत्ता भएका रानाको खोजी भइरहेको प्रहरीले जनाएको छ । उनको खोजीका लागि अस्थायी प्रहरी पोष्ट चटकपुर र प्रहरी चौकी त्रिनगरबाट टोली परिचालित रहेको इन्स्पेक्टर गुरुले बताए ।
उनीसंगै नदी तर्ने धनगढी–३ बोराडाडीकै लक्ष्मण राना र शुशील राना भने सकुशल रहेका छन् ।