नेपाल राष्ट्रिय तथा अन्तर्राष्ट्रिय खेलाडी संघ (एनएनआइपिए) कैलालीको अध्यक्षमा दूर्गा भण्डारी चयन भएकी छिन् । धनगढीमा राष्ट्रिय तथा अन्तर्राष्ट्रिय खेलाडी संघ कैलालीको तेस्रो साधारण सभा तथा खेलाडी सम्मान कार्यक्रममा भण्डारीको अध्यक्षतामा नयाँ कार्यसमिति चयन भएको हो । 

उपाध्यक्षमा रामचन्द्र जोशी, महासचिवमा बमबहादुर बोगटी, सचिवमा गोविन्द बानिया र प्रेमबहादुर बिक, कोषाध्यक्षमा ज्ञानेन्द्र क्षेत्री र सह कोषाध्यक्षमा वर्षा साउद चयन भएका छन् । यसैगरी सदस्यमा सुभाष भुल सेट्टी, धनबहादुर ठाकुर, पुजा बोगटी, सुवास बुढा, बालचन्द्र राना चयन भए ।

यसअघि दुई कार्यकाल अध्यक्षको रुपमा संघको नेतृत्व गरेका प्रकाश चन्दले आफ्नो कार्यकाल पूर्ण रुपमा सफल रहेको भन्दै नयाँ नेतृत्वलाई शुभकामना प्रदान गरे । सिमित स्रोत र साधनका बीच हामीले राष्ट्रिय तथा अन्तर्राष्ट्रिय खेलाडी संघको जिल्ला शाखा गठन गरेका थियौं,’ चन्दले भने, ‘आज हामीसँग खेलाडी थपिँदै जानुभएको छ । हामी पनि उत्साहित हुँदै गएका छौं ।

सुदूरपश्चिम खेलकुद परिषदका सदस्यसचिव दीपक सिंहको प्रमूख आतिथ्यमा भएको कार्यक्रममा राष्ट्रिय तथा अन्तर्राष्ट्रिय खेलाडी संघका केन्द्रिय अध्यक्ष दीपक श्रेष्ठको पनि उपस्थिती थियो ।