सुदुरपश्चिम प्रदेशमा पहिलो पटक भूमिहिन दलितहरुलाई जग्गाधनी दर्ता प्रमाणपत्र वितरण गरिएको छ । नेपाली कांग्रेसका केन्द्रिय सदस्य तथा पूर्व संविधान सभा सदस्य डाक्टर आरजु राणा देउवाले धनगढी उपमहानगरपालिका का २१ परिवार भुमिहिन दलितहरुलाई जग्गाधनी दर्ता प्रमाणपत्र बितरण गरेकी छिन ।
जग्गाधनी दर्ता प्रमाणपत्र वितरण गर्दै नेतृ राणाले नेपाली कांग्रेसले भूमिहिन परिवारलाई बसोबासका लागि जग्गा उपलब्ध गराउने उदघोष गरेको बताउदै पहिलो चरणमा भूमिहिन दलितहरुलाई जग्गाधनी दर्ता प्रमाणपत्र बितरण गरिएको बताइन् ।

उनले क्रमबद्ध रुपमा अन्य भूमिहिनहरुलाई समेत जग्गाधनी दर्ता प्रमाणपत्र उपलब्ध गराउने बताइन । जग्गाधनी दर्ता प्रमाणपत्र हातमा परेपछि भूमिहिन दलितहरु खुशी छन्। स्थानीय कालीदेवी कोलीले सपनामा समेत आफ्नो नाममा जग्गा हुने कुरा नसोचेको बताउदै जग्गा पाएपछि निकै खुशी भएको बताइन ।
त्यस्तै, हिरादेवी लुहार समेत जग्गाधनी दर्ता प्रमाणपत्र पाउँदा निकै खुशी थिएन । जग्गाधनी दर्ता प्रमाणपत्र बितरण कार्यक्रममा धनगढी उपमहानगरपालिकाका मेयर नृप बहादुर वड लगायतको उपस्थिति रहेको थियो ।