स्थानीय तहकी निर्वाचन अपन गाँव ठाँवकी विकास करनकी सबसे अच्छो माध्यम मानोजात हए । जहे चुनावसे स्थानीय प्रतिनीधि चुनो जातहए । प्रत्येक्ष जनतासे निर्वाचित नेता गाँव समुदाय या नगर बनानमे कैसो भुमिका करत हए जा नेतामे भर पडत हए । तमान आसरा भरोसा लैके जनता फिरके अपन प्रतिनीधि जितबाडारी हएँ ।

कैलाली कञ्चनपुरमे बैठनबाले रानाथारु जातीके ताहीँ २०७९ सालकी स्थानीय तहकी निर्वाचनमे २०७४ सालकी चुनावसे जद्धा उपलब्धी भओ हए । २०७४ सालमे १६ जनै प्रतिनीधि रहएँ । २०७९ साल बैशाख ३० गतेकी चुनावसे दुई जनै गाउँपालिका अध्यक्ष, तीन उपमेयर, एक गाउँपालिका उपाध्यक्ष, १७ जनै वडा अध्यक्ष करके २३ जनै रानाथारू जनप्रतिनीधि हएँ।