भानु प्रताप राना, १२ असाढ, धनगढी

आदिवासी जनजाति चलचित्र महासंघ सुदूरपश्चि प्रदेश समन्वय परिषदको तदर्थ समितिकाे अध्यक्षमा नायक संगत चौधरी चयन भएका छन् । आदिवासी जनजाति चलचित्र महासंघकाे अायाेजनामा धनगढीमा भएको एक कार्यक्रम बीच नायक संगत चौधरी अध्यक्षमा चयन भएका हुन् । उपाध्यक्षमा चन्द्र चौधरी (चाँद), श्रीशा राना र हर्क बहादुर घर्तीमगर रहेको छन् ।

त्यसैगरी महासचिवमा गोविन्द रानाथारु, सचिवमा राजकुमार श्रेष्ठ, कोषाध्यक्षमा जीवन गुरुङ र सहकोषाध्यक्षमा जानकी चौधरी चयन भएका छन् । महासंघका सदस्यहरुलाई पछि मनोनय गरिने आदिवासी जनजाति चलचित्र महासंघका केन्द्रीय अध्यक्ष अमृत बहादुर सुनवारले जानकारी दिए ।

कार्यक्रमकाे उद््घाटन गर्दै प्रमुख अतिथी तथा सुदूरपश्चिम प्रदेश सदस्य मालामति रानाले अाफू कलाकार रहेकाे सम्झना अाएकाे र कलाकरीता हक अधिकारका निम्ती लागी परेकाे बताइन । कार्यक्रम आदिवासी जनजाति चलचित्र महासंघका केन्द्रीय अध्यक्ष अमृत बहादुर सुनवारको अध्यक्षतामा भएको थियाे ।