कंचनपुरको बेलडाडी गाउँपालिका वडा न. २ चवन्नी स्थित रानाथारु महिला तिज तथा सांस्कृतिक कार्यक्रम बेलडाडी गाउँपालिकाको सहयोग र जनजाति युवा क्लबको आयोजनामा कार्यक्रम सम्पन्न भएको छ ।

कार्यक्रममा प्रमुख अतिथी बेलडाडी गाउँपालिका प्रमुख हरिशचन्द राना विशिस्ट अतिथी कंचनपुर जिल्ला समन्वय समितिकि उपाध्यक्ष राम कुमारी राना , बेलडाडी गाउँपालिका उप-प्रमुख शान्ति नाथ ,आदिवासी जनजातिका अध्यक्ष सुरेन्द्र राना ,अतिथी वडा न.१ का वडा अध्यक्ष गज बहादुर बिष्ट , वडा न.२ का वडा अध्यक्ष नारद प्रशाद उर्‍याल , ३ न. वडा अध्यक्ष दुर्गा प्रशाद चौधरी, ५ न. वडा अध्यक्ष इन्द्र बहादुर खड्का, बेलडाडी गाउँपालिका भित्र पर्ने ७ गाउँका भलमन्सा , विभिन्न दलका समाजसेवी बुद्धिजीवी र बेलडाडीबासीको उपस्थितिमा कार्यक्रम भएको थियो ।

कार्यक्रममा सांस्कृतिक कार्यक्रम र रानाथारु समुदायका राष्ट्रिय कलाकार रामदेव राना, सीता राना, अमर सिंह राना, पार्वती रानाको प्रस्तुति प्रस्तुत गरेका थिए । रानाथारुका कलाकारलाई कलाकारीताबाट आफ्नो सांस्कृतिलाई बचाउदै आएका छन भन्दै सम्मान पत्र प्रदान गरेका थिए ।

रानाथारु समुदायको तिज पर्वको हार्दिक शुभकामना र रानाथारुको सांस्कृति बचाउनु पर्छ भनेर कार्यक्रमका अतिथिहरु मन्तव्य ब्यक्त गरेका थिए ।

रानाथारुको सांस्कृतिक नृत्य प्रस्तुत गर्नेलाई र गाउँका भलमन्सालाई पनि आयोजकले सम्मान गरेको थियो ।

बेलडाडी गाउँपालिकालाई नमुना गाउँपालिका बनाउछौ । बेलडाडीमा रानाथारु मात्र नभइ अन्य समुदायको सांस्कृतिलाई झल्किने पालिका बनाउछौ । रानाथारुको तिज पर्वको शुभकामना पनि प्रमुख अतिथि बेलडाडी गाउँपालिका प्रमुख हरिश चन्द रानाले बताएका छन ।

कार्यक्रम संचालन सुलेन्दर राना र रोशनी रानाले गरेका थिए ।