कंचनपुरको कृष्णपुर नगरपालिका वडा न. ८ स्थित रैकवार विचवामा २०७९ श्रावण १५ गते रानाथारु तिज विशेष कार्यक्रम रैकवार विचवाको आयोजनामा सम्पन्न भएको छ ।

कार्यक्रममा प्रमुख अतिथि कृष्णपुर नगरपालिका प्रमुख
विशिष्ट अतिथि कृष्णपुर नगरपालिका वडा न.८ का वडा अध्यक्ष दिनेश खड्का , वडा न. ९ का वडा अध्यक्ष कैलाश बलायर , वडा न.७ का वडा अध्यक्ष घुम्मन राना , अतिथ वडा न. ८ का वडा सदस्य फुलराम चौधरी , अम्बिका चौधरी , ईलाका प्रहरी कार्यालय रैकवार विचवाका इन्चार्ज उदय सिंह खडायत , वडा न. ८ का वडा सचिव मोहन राज जोशि , भलमन्सा , समाजसेवी ,बुद्धिजीवी गाउँबासीहरुले आफ्नो पहिरनमा र रैकवार विचवाका भलमन्सा भजोरा रानाको अध्यक्षतामा कार्यक्रम सम्पन्न भएको छ ।

रानाथारु समाजको लागि हामिले के गर्नुपर्छ सहयोग गर्न तयार छौ । रानाथारुको तिज पर्वको शुभकामना पनि वडा अध्यक्षले दिएका थिए ।

रानाथारु महिला आफ्नो भाइ भतिजाको लामो उमेरको लागि कामना गर्दछन । रानाथारुको तिज पर्वको बारेमा पनि बिस्तृत रुपमा विशिष्ट अतिथि कृष्णपुर नगरपालिकाकि उप-प्रमुख द्रोपती रानाले बताएकी थिइन ।

हामीले रानाथारु समुदायको सम्मानमा स्थानीय बिदा दिएका छौ । रानाथारुको संस्कृति संरक्षण गर्नको लागि हामिले कृष्णपुर नगरपालिकाबाट बजेट पारित गरिसकेका छौ । वडा अध्यक्षले डोलाको लागि काठ उपलब्ध गराएका थिए र हामिले नगरपालिकाबाट डोरी उपलब्ध गराएका थिए । हामीले नगरपालिकाबाट संस्कृति संरक्षण गर्नको लागि आफ्नो पहिरन घगरिया सिल्ने तालिम पनि गराउने छौ । रानाथारुको तिज पर्वको शुभकामना पनि प्रमुख अतिथि कृष्णपुर नगरपालिका प्रमुख हेमराज ओझाले बताएका छन ।

कार्यक्रम संचालन श्रीशा रानाले गरेकी थिइन ।