कलाकन्द कन्सट्रक्सन एण्ड सप्लाईका प्रबन्धक निर्देशक भिमसेन रानाले लालझाडी गाउँपालिकालाई औषधि सहयोग गरेका छन ।

कंचनपुर जिल्ला लालझाडी गाउँपालिका वडा नं २ स्थित कंज गाउँका भिमसेन रानाले लालझाडीको लागि रु. १,६४,१५७ बराबरको औषधिहरु सहयोग गरेका छन ।

यहि २०७९ साल असोज १ गतेको बाढीले लालझाडी गाउँपालिकामा क्षति भएको र समान्य औषधि पनि नमिल्ने भएको खबर भएकोले आफुपनि त्यस क्षेत्रमा बसोबास गर्दै आएकोले लालझाडीका बासिन्दाको पीडा मेरो पनि पीडा हो । मैले आफुले सक्दो सहयोग सधै गर्ने छु । लालझाडीका बासिन्दालाई अहिलेको परिस्थितिमा औषधिको अभाव नहोस भनेर औषधि सहयोग गरेको र भोलि ५ गते बिहान ८:०० बजे औषधिहरु धनगढी पुग्ने भनेर भिमसेन रानाले बताएका छन ।