७ आश्विन २०८३, बुधबार
बि प्लस खबर
कञ्चनपुरको कृष्णपुर नगरपालिका स्थानीय सरकारले (१४२) एक सय बयालीस दिनमा गरेका कामकाज सार्वजनिक गरेको छ ।
आज २०७९ असोज २८ गते कृष्णपुर नगरपालिकामा गत बैशाखमा निर्वाचित भएर आएको नयाँ जनप्रतिनिधी स्थानीय सरकारले (१४२) एक सय बयालीस दिनमा गरेका कामकाज सार्वजनिक गरेका छन ।
कृष्णपुर नगरपालिकाका मेयर हेमराज ओझाले (१४२) एक सय बयालीस दिनमा थुप्रै नीतिगत अन्य प्रशासनिक जनमुखी काम भएको बताए । शिक्षा, स्वाथ्य र कृषिलाई प्राथमिकतामा राखेर कामकाज गरेको बताएका हुन ।
चालु आर्थिक बर्ष २०७९÷०८०मा १ अर्ब १३करोड, ९३ लाख २४ हजार ९ सय ७१ रुपैया ५४ पैसा बजेट ल्याउँदै कृषि,शिक्षा , उद्योग, स्वास्थ्य र पर्यटनलाई मध्य नजर गरी तयार पारेको बताएका हुन ।
गुलरियामा रहेको स्वास्थ्य सेवा केन्द्रलाई २४सै घण्टा निःशुल्क स्वास्थ्य सेवा उपलब्ध गराउन चिकित्सक सहित स्वास्थ्यकर्मी प्रबन्धन गरेर आयुर्वेद तर्फ समेत सेवा संचालन गरिएको छ ।
गर्भवती सुत्केरी, बिरामी, असक्त एव आर्थिक रुपमा अति विपन्न नागरिकका लागि कैलाली कञ्चनपुरका अस्पतालमा पुर्याउन निःशुल्क एम्बुलेन्स सेवा सुचारु गरिएको छ । वडाको सिफारिसमा आर्थिक रुपमा विपन्नलाई पनि नि:शुल्क सेवा प्रदान गरेका छौँ ।
नगरका कुनै नागरिक बिरामी भई रगत आवश्यक भएको खण्डमा निःशुल्क रगत सेवा समेत प्रदान गरिएको छ । बर्थिङ सेन्टरमा निशुल्क २ नम्बर वडामा आधारभूत स्वास्थ्य सेवा संचालन गरिएको छ ।
नगरपालिकाबाट पानी पिच बाटोको लागि शुन्य बजेट छुट्याइएको छ । आफ्नै नगरपालिकाको उपकरण प्रयोग गरेर डिजल हालेर पानी पिच ,लगायत कार्य गर्दै छौं ।
नगरका सामुदायिक विद्यालयको सुधार एव शैक्षिक बृद्धिका लागि आवश्यक समस्या अध्ययन गरेर बजेट व्यवस्थापन गरिएको छ । कृषि क्षेत्रको विकासका लागि किसान परिचय पत्र वितरण कार्यक्रम शुरु गरिएको र बिउबिजन अनुदान व्यवस्था गरिएको छ ।
अव्यवस्थित बसोबासीलाई जमिनको मालिक बनाउनका लागि ४ नम्बर वडाबाट जमिन नापजाँच गरिएको छ । १, २ र ९ मा नापी कार्य जारी रहेको रहेको बताउदै मेयर ओझाले ७ र ८ मा अव्यवस्थित बसोबासीलाई जग्गाधनी प्रमाण पत्र पुर्जा दिने कार्यलाई वैधानिकता दिने कार्य गरिएको छ ।
छाडा पशु चौपाया व्यवस्थापन, शान्ति सुरक्षा, विकास निर्माण, नदी कटानी नियन्त्रण, जंगली जनावर आतङ्ग नियन्त्रण कार्य अघि बढाईएको बताए । कार्यालयको आन्तरिक सुशासनदेखि अन्य सबै योजना आर्थिक मसान्त सकिनु अघि जेठ मसान्तमै सक्ने योजना छ । मेयर ओझा आन्तरिक सुशासन र दिगो विकासमा म कटिबद्ध रहेको बताए ।
नगरपालिकाले चालु आर्थिक बर्षका लागि आन्तरिक आम्दानी बृद्धिका लागि खोला नदीनालाबाट रोयल्टी संकलनका लागि अघिल्लो सरकार भन्दा अहिलेको सरकारले राजस्व बृद्धि गरेको बताउँदै ईबिडिङ्ग मार्फत टेण्डर भएको र कुनै मिलोमतो नभएको भनेर कृष्णपुर नगरपालिकाका मेयर हेमराज ओझाले दावि गरेका छन ।
