१८ जेष्ठ २०८३, सोमबार
बि प्लस खबर
कैलालीको धनगढी उप-महानगरपालिका वडा नं ७ स्थित दाइजो कृषि सहकारी संस्था लि. को आज मंसिर २४ गतेका दिन धनगढी-७ देवरियाको कचेहरी भवनमा ११ औं वार्षिक साधारण सभा सम्पन्न भएको छ ।
कार्यक्रममा प्रमुख अतिथि धनगढी उप-महानगरपालिका उप-प्रमुख कन्दकला राना ,विशिष्ट अतिथि धनगढी-७ का वडा अध्यक्ष मोति रानाथारु , जिल्ला सहकारी संघका फणिराज सापकोटा , अतिथी देवरिया स.व.उ.स. का अध्यक्ष शारदा प्रसाद राना , नवज्योति कृषि सहकारी संस्था लि. का प्रतिनिधि पृथ्वी राना ,सम्पुर्ण अतिथि ,शेयर सदस्यको उपस्थिति र सभापति दाइजो कृषि सहकारी संस्था लि. का अध्यक्ष मान बहादुर रानाको अध्यक्षता कार्यक्रम सम्पन्न भएको छ ।
दाइजो कृषि सहकारी संस्था लि. आर्थिक वर्ष २०७८/०७९ को वार्षिक प्रतिवेदनमा २०१जना महिला ,३६२ जना पुरुष गरि शेयर सदस्य संख्या ५६३,हाल शेयर सदस्य संख्या ५७८ जना । शेयर पूंजी ५१लाख ६६ हजार मात्र रहेको छ ।निक्षेप बचत : ४करोड ४१ लाख ८२ हजार ३सय ४८रुपैयाँ ४४ पैसा मात्र रहेको छ । ऋण लगानी ३करोड २६लाख २९हजार ५सय ९६ रुपैया ४ पैसा मात्र रहेको छ भनेर दाइजो कृषि सहकारी संस्था लि. का अध्यक्ष मान बहादुर रानाले वार्षिक प्रतिवेदन प्रस्तुत गरेका थिए ।
आर्थिक वर्ष २०७८/०७९ को वासलात गतवर्षको ४ करोड १७ लाख ५४ हजार ९ सय ९२ रुपैया ९३ पैसा र यस वर्षको ५करोड ३१ लाख ७१ हजार ७ सय २३ रुपैया ५९ पैसा रहेको छ । ब्यापार तथा नाफा नोक्सानमा गत वर्षको १ लाख ३३ हजार १ सय ९२ रुपैयाँ ६६ पैसा र यस वर्षको १ लाख २ हजार १ सय ७५ रुपैया ७ पैसा रहेको छ भनेर लेखापरीक्षण प्रतिवेदन लेखा समिती संयोजक नन्द गोपाल रानाले प्रस्तुत गरेका थिए ।
दाइजो कृषि सहकारी संस्था लि. आर्थिक वर्ष २०७९/०८० को अनुमानित आय व्यायमा यस वर्षको ५४ लाख २९ हजार ८ सय २२ रुपैया ८३ पैसा मात्र रहेको थियो । अगामी लक्ष्य ७८ लाख ३५ हजार २ सय ८६ रुपैयाँ मात्र हुनेछ भनेर दाइजो कृषि सहकारी संस्था लि. का ब्यवस्थापक बासुदेव रानाले अनुमानित आय व्याय प्रस्तुत गरेका थिए ।
कार्यक्रममा कबिता राना, शिवराज राना , अनिता चौधरी र इश्वरी कुमारी चौधरी रानालाई संस्थाले प्रमुख अतिथि धनगढी उप-महानगरपालिका उप-प्रमुख कन्दकला रानाद्वारा सम्मान पत्र प्रदान गरेका थिए ।
अशिक्षाको रेखामुनि पहुचबाट पछाडि परेका थिए, ति वर्गले नै सहकारी संचालन गरेका छन् र ति सहकारी इमान्दारीका साथ अगाडी बढेका छन । सहकारीमा शेयर सदस्यले सहकारीमा किन लगानी गर्ने भनेर बुझनुपर्छ र सहकारी अगाडी बढ्नेछ भनेर जिल्ला सहकारी संघका फणिराज सापकोटाले बताएका छन ।
आज यो सहकारीको यस ठाउँमा छुट्टै पहिचान रहेको छ । यस सहकारीलाई अगाडी बढाउनको लागि केन्द्र , प्रदेश तथा स्थानीय सरकारमा हातोमालो गरेर सहयोगको लागि डेलिकेशनमा जानेछौ । यस सहकारीको प्रगतिको लागि हामीपनि खट्ने छौ भनेर विशिष्ट अतिथ धनगढी-७ का वडा अध्यक्ष मोति रानाथारुले बताएका छन ।
यस सहकारीले धेरै छोटो समयमा धेरै अगाडी बढेको छ । यो दाइजो कृषि सहकारी संस्थाले धेरै शिर्षकमा उपलब्धी मुलक कार्य गरेको र गरीरहेको छ । धनगढीलाई प्लास्टिक मुक्त पालिका बनाउने हो भने सम्पूर्ण नगरबासीले समान घरबाट झोला लैजाने कार्य गर्नुपर्ने छ ।शुन्यबाट सुरु हुँदै आजको समयमा यस संस्थाले करोडको लगानीमा कारोबार गरिरहेको छ । यस संस्थाले अझ बढी प्रगति गर्नेछ भनेर प्रमुख अतिथि धनगढी उप-महानगरपालिका उप-प्रमुख कन्दकला रानाले बताएकि छिन ।
