विश्व आत्महत्या रोकथाम दिवसको अवसरमा “आशा जगाऔ, जीवन बचाऔ” भन्ने मुल नाराका साथ लालझाडी गाउँपालिका स्वास्थ्य शाखा शंकरपुर कञ्चनपुरको आयोजनामा ” आत्महत्या रोकथाम “सम्बन्धि सचेतना कार्यक्रम सम्पन्न भएको छ।

लालझाडी गाउँपालिका अध्यक्ष निर्मल रानाको अध्यक्षतामा कार्यक्रमका प्रस्तुतिकर्ता स्वास्थ्य शाखा प्रमुफख खगेन्द्र चौधरी रहेका थिए। कार्यक्रममा उपाध्यक्ष सपना चौधरी,प्रमुख प्रशासकिय अधिकृत राज बहादुर सार्की, १-६ का वडा अध्यक्ष ,कार्यपालिका सदस्य ,वडा सदस्य,ईलाका प्रहरी शंकरपुरका प्रमुख, पत्रकार ,कर्मचारीका लगायतको सहभागीता रहेको थियो।

विश्व स्वास्थ्य संगठनका अनुसार विश्वमा एक वर्षमा आत्महत्याका कारण मात्रै ७ लाख भन्दा बढीको मृत्यु हुने गरेको छ। जसमध्ये ९९% मानसिक रोग बाट र ९५% कारण डिप्रेसन रहेको जनाएको छ। हामीले आत्महत्या रोकथामका लागि हातेमालो गर्नुपर्ने र आफुले आत्महत्याबारे परामर्शको लिनको लागि ११६६ मा नि:शुल्क सम्पर्क गरेर मनोचिकित्सा परामर्श लिनसकिने; बालबालिकालाई माया गर्नुपर्ने; लालझाडीमा ९९% रोकथाम गर्नुपर्ने छ । डिप्रेसनको कारणले आत्महत्या बढी गर्ने र सबैले आ-आफ्नो क्षेत्रबाट न्यूनीकरण गर्नको लागि सहकार्य गरिदिन पालिका अध्यक्ष रानाले बताएका छ्न् । आज कार्यक्रम ६ वटै वडामा संचालन भएको भनेर स्वास्थ्य शाखा प्रमुख खगेन्द्र चौधरीले बताएका हुन ।
कार्यक्रममा आत्महत्या रोकथामका फोटोहरु:-