कञ्चनपुरको लालझाडी गाउँपालिका वडा नं २ कञ्ज गाउँमा हाट बजारको असार १४ गते शुक्रबार उद्घाटन भएको छ।

शंकरपुर बहुउद्देश्य सहकारी संस्था लिमिटेडको आयोजन र लालझाडी गाउँपालिकाको सहयोगमा उद्घाटन कार्यक्रम सम्पन्न भएको थियो । कार्यक्रममा शंकरपुर बहुउद्देश्य सहकारी संस्था लिमिटेडका अध्यक्ष राम साय रानाको अध्यक्षतामा कार्यक्रम सम्पन्न भएको थियो । कार्यक्रम मा प्रमुख अतिथि लालझाडी गाउँपालिका अध्यक्ष निर्मल राना रहनु भएको थियो भने विशिष्ठ अतिथि लालझाडी गाउँपालिका उपाअध्यक्ष सपना चौधरी राना, लालझाडी गाउँपालिका वार्ड नं २ का वडा अध्यक्ष आशाराम राना , वडा नं १ का वडा अध्यक्ष प्यारे लाल राना र किसानहरुको उपस्थिति रहेको थियो ।

कार्यक्रम मा स्वागत मन्तब्य हाट बजार ब्यबस्थापन समिति का अध्यक्ष सोमनाथ राना ले स्वागत मन्तव्य व्यक्त गर्नुभएको थियो । विगत को दिन जस्तै किसान हरु तरकारी खेती गर्ने किसान लाई सहज होस साथै प्रतेक शुक्रबार हाट बजार लाग्ने हाट बजार ब्यबस्थापन समिति का अध्यक्ष रानाले जानकारी गराउनु भएको थियो ।

लालझाडी गाउँपालिकामा कृषि बजारी करण गर्न का लागि तरकारी ,फलफूल,माछा मासु जस्ता को हाट बजार द्वारा बजारीकरण गर्न सकिन्छ । साथै लालझाडी गाउँपालिकाका सबै वडामा तरकारी संकलन केन्द्र खोल्ने योजना बनाउदै छौ भनेर प्रमुख अतिथी लालझाडी गा.पा. अध्यक्ष निर्मल रानाले मन्तव्य व्यक्त गरेका हुन ।
कार्यक्रम रोजगार शाखाका संयोजक नरेश भट्ट ले सञ्चालन गर्नु भएको थियो।