पत्रकार दीर्घराज उपाध्याय द्वारा लिखित पुस्तक ‘द्वन्द्व पत्रकारिताको एक दशक’ विमोचन भएको छ। शुक्रबार काठमाडौँस्थित एक होटलमा पूर्वप्रधानमन्त्री एवं नेपाली कांग्रेसका सभापति तथा पुर्व प्रधानमन्त्री शेरबहादुर देउवाले पुस्तकको विमोचन गरेका हुन् ।

पुस्तक विमोचन गर्दै सभापति देउवाले द्वन्द्वकालमा पत्रकारिता क्षेत्रले भोगेका समस्या र देखेका घटनाक्रमलाई पुस्तकमा मिहिनेतसाथ समावेश गरिएको बताए । कार्यक्रममा उनले सबै दलले आवश्यक ठानेमा संविधान संशोधन हुन सक्ने प्रस्ट पारे ।

लेखक उपाध्यायले द्वन्द्वको एक दशकमा सुदूरपश्चिम क्षेत्रको पत्रकारिता र त्यस समयमा घटेका विभिन्न घटनाक्रमलाई पुस्तकमा समावेश गरेका छन् । विमोचन कार्यक्रममा सहभागीले पुस्तकले द्वन्द्वको एक दशकको पत्रकारिता कस्तो थियो भन्ने जान्ने अवसर मिल्ने धारणा राखेका थिए ।