कैलालीको धनगढी उप-महानगरपालिका वडा नं ७ स्थित जखौर बाबा युवा क्लबको आयोजनामा असोज १४ देखि २२ गतेसम्म खुल्ला फुटबल प्रतियोगिता-२०८१ क्लबका अध्यक्ष देव बहादुर सेठीको अध्यक्षतामा उद्घाटन सम्पन्न भएको छ ।

कार्यक्रममा प्रमुख अतिथी धनगढी-७ का वडा अध्यक्ष मोति रानाथारु , विशिष्ट अतिथी नेपाली कांग्रेस कैलाली-५ का सभापति भिम पडाल , शिवनगर खानेपानीका उपाध्यक्ष दामोदर शाहु , धनगढी-७ का वडा सदस्य बिक्रम खाती , कैलाली जिल्ला खेलकुद समितिका सदस्य तिलक मौनी , समाजसेवी , बुद्धिजीवी , खेलाडीहरुको उपस्थिति रहेको थियो ।

उक्त प्रतियोगितामा २१ वटा टिम दर्ता छन । बिजेतालाई ३० केजि बोका पुरस्कार , उप-बिजेतालाई २० केजि बोका रहेको भनेर आयोजकले बताएका हुन ।

यस क्लबको लागि सहयोग गर्न तयार भनेर विशिष्ट अतिथी नेपाली कांग्रेस कैलाली-५ का सभापति भिम पडालले प्रतिबद्धता गरेका हुन ।

वडाका सम्पुर्ण खेलाडीहरुका लागि यस वडामा एउटा ठूलो प्रतियोगिता गर्न वडा कार्यालय तयार छ । हामीले यस वडामा एउटा वडा स्तरिय खेल मैदान बनाउने र युवाहरुलाई सहयोग गर्न तयार छ भनेर प्रमुख अतिथी धनगढी-७ का वडा अध्यक्ष मोति रानाथारुले बताएका हुन ।

कार्यक्रममा शुभकामना मन्तव्य मोति कुँवर र संचालन क्लबका सचिव पृथ्वी रानाले गरेका हुन ।