पूर्व प्रधानमन्त्री औ नेपाली कांग्रेसके सभापति शेरबहादुर देउवा रास्वपा सभापति रबि लामिछाने पक्राउके विरोध कर्तए,बिना तुक को आन्दोलन करत हाएँ कहिक बताईहय ।

गृह जिल्ला डडेलधुरा के तमान कार्यक्रममे सहभागी होन के ताँही धनगढीकि विमानस्थलमें पुगेभय देउवा सञ्चारकर्मी से छोटो प्रतिक्रिया देताए रबि लामिछानेके कानुन अनुसार कारबाही हुइहय कहिके बताइँ हाय ।

संसदीय छानबिन समितिके प्रतिवेदन अनुसार लामिछाने पकडो हाय कहताए,अब लामिछाने के कानुनअनुसार कारबाही हुइँहय कहीके देउवा दाबी करीहय । दूसरे राजनीतिक दलके नेता फिर तमान मुद्दामा पड्के कारबाही भुकतरहे हाय समखबातए देउवा कानुनकी पालना सबए करन पडो कहिके बताइहय । लामिछाने पक्राउकि विरोधमें आन्दोलन करनको कछू कारण नाहाय बतातए बिनको छानवीनमा सघानकी आग्रह देउवा करिहाएँ ।