कैलालीको धनगढी उप-महानगरपालिका वडा नं ७ स्थित देवरिया सामुदायिक वन उपभोक्ता समुहको २१ औं वार्षिक साधारण सभा तथा १० औं अधिवेशन समुहका अध्यक्ष शारदा प्रसाद रानाको सभाअध्यक्षतामा सम्पन्न भएको छ ।

कार्यक्रममा प्रमुख अतिथी डिभिजन वन कार्यालयका सहायक वन अधिकृत लोकराज दहाल , विशिष्ट अतिथी धनगढी-७ का वडा अध्यक्ष मोति रानाथारु , धनगढी-७ का निवर्तमान वडा अध्यक्ष सिताराम राना , सब-डिभिजन वन कार्यालयका सहायक वन अधिकृत कपिल रावल , जनप्रतिनिधि , संघ संस्थाका प्रतिनिधिहरु , पुर्व अध्यक्षहरु , समाजसेवी , बुद्धिजीवी तथा उपभोक्ता सदस्यहरुको उपस्थिति रहेको थियो । कार्यक्रममा स्थानीय कलाकारहरुको नाच तथा गायन प्रस्तुति रहेको थियो ।

कार्यक्रममा आ.व. ०८०/०८१ को ३७ लाख ३२ हजार ५ सय ६१ रुपैया १४ पैसा बराबरको आयव्यय समुहका कोषाध्यक्ष भागिराम चौधरीले प्रस्तुत गरेका हुन ।

आ.व. ०८१/०८२ को १ करोड ३७ लाख ५६ हजार ४ सय ५८ रुपैया बराबरको अनुमानित बजेट लेखा संयोजक पृथ्वी रानाले प्रस्तुत गरेका हुन ।

कार्यक्रममा पुर्व अध्यक्ष भजन राना ,पुष्प कृषक जोगेन्द्र सेठी , प्रशुराम चौधरी र कलाकार पदमा खड्कालाई सम्मान गरेको थियो ।

कार्यक्रममा स्वागत मन्तव्य समुहका उपाध्यक्ष जगतराम रानाले व्यक्त गरेका हुन । आ.व. ०८०/०८१ को प्रगति प्रतिवेदन र कार्यक्रम संचालन समुहका सचिव संगिना जागरीले गरेकी हुन ।

नयाँ कार्यसमितिको लागि सहमतिको लागि भोलि माघ १३ गते बिहान ११ बजेसम्म समय रहेको भनेर निर्वाचन संयोजक धनगढी-७ का वडा अध्यक्ष मोति रानाथारुले जानकारी दिएका हुन ।