५ आश्विन २०८३, सोमबार
बि प्लस खबर
धनगढीमे भैयाकी कैँचीक मारसे सगो ददाकी मौत भै हए ।
धनगढी उपमहानगरपालिका–१७ दिपनगर टोलके लालबहादुर बोहराकी गैरात हत्या करिहए। घरायसी विवादकी कारणसे बोहराकी अपनो सगो भैया प्रकाश बोहोरा अपन् ददाके मारपीट करी कहिके जिल्ला प्रहरी कार्यालयके सहायक प्रवक्ता प्रहरी निरीक्षक दर्शन खड्का बताई हए । बिनकी नट्टीमे कैँची मारिरहए। कैँचीकी मारसे घायल भए बोहराके इलाजके ताहीं रातए धनगढीकी निसर्ग अस्पताल लैगए रहाए।
पर बिनकि इलाज कर्ताए करत मौत हुईगै कहीके प्रहरी निरीक्षक खड्का बताई हए। बोहराकी लहास परीक्षणके ताही सेती प्रादेशिक अस्पतालमे धरीहए। और बिनकी भाइया प्रकाश प्रहरीकी हिरासत मे हए।
