कञ्चनपुरको लालझाडी गाउँ पालिकामा अध्यक्ष कप फुटबल प्रतियोगिताको तेस्रो संस्करण भब्यताका साथ उद्धघाटन भएको छ। “हाम्रो सामुहिक गोल, लागू पदार्थ दुर्व्यसनको अन्त्य” भन्ने मुल नाराका साथ लालझाडी ५ देखतभुलिको इटाहा चारपाते युवा क्लबको खेलमैदानमा तेस्रो अध्यक्ष कप फुटबल प्रतियोगिता २०८१ एक कार्यक्रमका बिच उद्धघाटन भएको हो।

प्रतियोगिताको उद्धघाटन खेलमा  लालझाडी -२ कञ्ज र न्यू प्रगतिशील युवा क्लब बिच भएको खेलमा लालझाडी -२ कञ्ज टिमले ४-० गोलको अन्तरले प्रगतिशील युवा क्लब लाई हराउदै पहिलो जित निकालेको छ।  खेलका म्यान अफ दि म्याच लालझाडी -२ कञ्जका जर्सी नम्बर ११ का नवीन थापा भए।

प्रतियोगिताको दोस्रो दिन माघ १७ गते ३ खेल हुने छन् । पहिलो खेल लालझाडी -५ पहेंलो र बेलडाँडी गाउँपालिका -१ बिच दिउँसो १ बजे, दोस्रो खेल लालझाडी-५ निलो र लालझाडी-६ चानदेव बिच दिउँसो ३ बजे हुने छ। भने भेट्रान तर्फ पहिलो खेल लालझाडी -४ र कृष्णपुर नगरपालिका-२ बीच बिहान ११ बजे हुनेछ ।

प्रतियोगितामा युवा तर्फ २० टिमको सहभागिता रहेकोछ भने भेट्रान तर्फ ८ टिम रहेका छन्। येसै गरि प्रतियोगितामा लालझाडी गाउपालिका मुख्य प्रवर्द्धकल, इटाहा चारपाते युवा क्लब र लालझाडी गा.पा वडा न.५ कार्यालयको समन्वय तथा सहयोग रहेको छ ।