कैलालीबाट लागू औषध सहित ३ जना पक्राउ परेका छन् । बिहीबार राती धनगढीका छुट्टाछुट्टै स्थानबाट लागू औषध सहित ३ जना युवा पक्राउ परेका हुन ।

धनगढी उपमहानगरपालिका – १३ राजपुरबाट लागू औषध सहित गोदावरी नगरपालिका – ५ का २६ वर्षीय मनोज राना ६२० मिलिग्राम लागू औषध खैरो हेरोइन सहित पक्राउ परेका छन् । यस्तै धनगढी उपमहानगरपालिका – १२ “सी” गाउँबाट सोही ठाउँका २३ वर्षीय किसन बिकलाई २९० मिलिग्राम लागू औषध खैरो हेरोइन सहित पक्राउ गरिएको प्रदेश प्रहरी कार्यालय धनगढीले जनाएको छ ।

धनगढी उपमहानगरपालिका – १२ “सी” गाउँबाटै ३५ वर्षीय हरि सिंह थापा पनि २६० मिलिग्राम लागू औषध खैरो हेरोइन सहित पक्राउ परेका छन् । पक्राउ परेका तिनै जनामाथि थप अनुसन्धान भइरहेको प्रहरीले जनाएको छ ।