लालझाडी गाउँपालिकाले जेष्ठ नागरिकलाई अवलोकन भ्रमणका लागि लुम्बिनी तथा जानकी मन्दिर भ्रमणमा पठाएको छ । पालिकाले आफ्ना ७० जना जेष्ठ नागरिकलाई अवलोकन भ्रमण कार्यक्रम अन्तर्गत आज ५ दिनका लागि तिर्थ तथा अवलोकन भ्रमणमा पठाएको हो ।

लालझाडी गाउँपालिकाले शहकारी शाखा प्रमुख प्रभुराज जोशी ज्यू को नेतृत्वमा १ जना स्वास्थ्यक्रमी ,३ जना खाना व्यवस्थापक तिर्थ यात्रीका लागी व्यवस्थापन गरि पठाएको लालझाडी गाउँपालिका प्रमुख निर्मल रानाले बताए ।

पालिका का अध्यक्ष निर्मल राना ,उपाध्यक्ष सपना चौधरी राना, वार्ड न ५ को वार्ड अध्यक्ष पहल ब थापाले यात्रा सफल र शुभ होस शुभकामना सहित तिर्थयात्री तथा जेष्ठ नागरिकहरुलाई टीका र खादा लगाइ एक कार्यक्रमका बीच बिदाइ गरेको छ । कार्यक्रममा पालिकाका क्रमचारी, स्थानीय समासेवी तथा स्वयम् सेबिका लगायतको उपस्थिति रहेको थियो।

गत वर्ष लालझाडी गाउँपालिकाले जेष्ठ नागरिकलाई पशुपतिनाथको तिर्थ यात्रा तथा अवलोकन गराएको थियो ।